🟠စစ်ကိုင်းတိုင်း အထက်ပိုင်း  ဒေသများတွင်ရှိသော ပဋိပက္ခအမျိုးမျိုး ကြောင့် နေရပ် တိမ်းရှောင်ကာ ဟုမ္မလင်းမြို့နယ် ရပ်ကွက်၊ကျေးရွာ များရှိ ဘာသာရေး အဆောက်ဦးများ၊ ဆွေမျိုးမိတ်ဆွေများနေအိမ် နှင့် အဆောင်များ တွင် ယာယီ တည်းခိုနေထိုင်လျှက်ရှိသော အိမ်ထောင်စုများ ၊ အကြောင်းအမျိုးမျိုးကြောင့် မြို့ပေါ်ရပ်ကွက်များသို့ ရွှေ့ပြောင်းနိုင်ခြင်းမရှိဘဲ ပဋိပက္ခဖြစ်ပွားရာဒေသအနီးရှိ ကျေးရွာများတွင် စုဖွဲ့ကာ ယာယီနေထိုင်လျှက်ရှိသော အိမ်ထောင်စုများကို ကမ္ဘာ့စားနပ်ရိက္ခာ အစီစဉ် ( WFP ) နှင့် လက်တွဲကာ  စားနပ်ရိက္ခာ (ဆန်) ထောက်ပံ့ကူညီရေး လုပ်ငန်းစဉ်ဖြင့် FLYDO Myanmar မှ ၂၀၂၄ ခုနှစ်တွင် ၎င်းဒေသ၏ ပထမဆုံး လူသားချင်းစာနာထောက်ထားမှုဆိုင်ရာ အကူအညီအဖြစ် ဆောင်ရွက်နိုင်ခဲ့ပါသည်။

ကောက်ယူရရှိထားသော နေရပ်စွန့်ခွာ ရှောင်တိမ်းပြည်သူများအား အလင်းတန်းဟူသည် မှောင်မိုက်သောကာလတွင်သာ ပေါ်ထွန်းပေါက်ဖွားသည်ဟူသည့်အတိုင်း အမှောင်ထု အား အံတု ကြိုးစား၍စာရင်းပြုစုခဲ့ကျပါသည်

ခရစ်နှစ် ၂၀၂၅၏ ဇန်နဝါရီလ(၁၀)ရက်မှ(၁၃)ရက်နေ့ထိ​ မြင်းမူမြို့နယ်တွင်လည်းကောင်း၊ ဇန်နဝါရီလ(၁၃)မှ(၁၆)ရက်​နေ့ထိ မုံရွာမြို့နယ်တွင်လည်းကောင်း၊ ဇန်နဝါရီလ(၁၈)ရက်မှ(၁၉)ရက်နေ့ထိ ချောင်းဦးမြို့နယ်တွင်သော်လည်းကောင်း အကြောင်းအမျိုးမျိုးကြောင့်နေရပ်စွန့်ခွာတိမ်းရှောင်သူများအား စာရင်းများကောက်ယူခဲ့ပါသည်။